9 აგვისტოს, 10:00 საათზე, ქუთაისის დემოკრატიული ჩართულობის ცენტრში, არასამთავრობო ორგანიზაცია „სიდას“ ორგანიზებით, პროექტის „პარტნიორობა მიგრანტთა უფლებებისთვის“ ფარგლებში, გაიმართება ტრენინგი მიგრაციის თემაზე, რომელსაც რეგიონული მედიის, არასამთავრობო ორგანიზაციებისა და ადგილობრივი თვითმმართველობის წარმომადგენლები დაესწრებიან.

ტრენინგზე მიმოხილული იქნება შემდეგი საკითხები:

• მსოფლიოში/ევროპაში მიმდინარე მიგრაციული პროცესის მიმოხილვა;
• რეგულირებული და არარეგულირებული მიგრაცია ევროკავშირში; უვიზო მიმოსვლით წესები;
• შრომითი ექსპლოატაციის/ტრეფიკინგის საფრთხეები და პრევენციის გზები;
• თავშესაფრის უსაფუძვლო მოთხოვნა ევროკავშირში;
• დაბრუნებულ მიგრანტთა რეინტეგრაცია.

ტრენინგი იმართება არასამთავრობო ორგანიზაცია ,,სიდას“ მიერ პროექტის ,,პარტნიორობა მიგრანტთა უფლებებისთვის(G-PMR)” ფარგლებში. პროექტი ხორციელდება ,,ღია საზოგადოების ფონდების“ ფინანსური მხარდაჭერით.